काठमाडौं । भारतका निवर्तमान राष्ट्रपति रामनाथ कोविन्दको विदाइ गरिएको छ । शनिबार साँझ एक कार्यक्रमका बिच कोविन्दको विदाइ गरिएको हो ।
विदाइ कार्यक्रमलाई सम्बोधन गर्दै उनले जनताको लागि गर्ने काम सर्वोच्च प्राथमिकतामा हुनुपर्ने भन्दै राजनीतिक दलहरुको ध्यानाकर्षण गराए । संसदका दुबै सदनले शनिबार बेलुका आयोजना गरेको उनको विदाइ कार्यक्रममा प्रधानमन्त्री नरेन्द्र मोदी लगायतको सहभागिता थियो ।
समारोहलाई सम्बोधन गर्दै प्रधानमन्त्री मोदीले भारतको लोकतान्त्रिक व्यवस्थालाई एक ठूलो परिवारको संज्ञा दिए । उनले आपसी मतभेद सुल्झाउनका लागि शान्ति, एकता र आपसी छलफललाई प्राथमिकता दिनुपर्ने बताए ।
प्रतिक्रिया