काठमाडौँ– पाकिस्तानले शिख धार्मिक अल्पसङ्ख्यकहरुको धार्मिक स्थल गुरुद्वाराको संरक्षण गर्न नसकेको भन्दै आलोचना बढ्न थालेको छ ।

हालै सार्वजनिक एक मिडिया रिपोर्टमा पाकिस्तान सरकारले अन्तर्राष्ट्रिय समुदायलाई देखाउनका लागि केही महत्वपूर्ण गुरुद्वाराको मात्र संरक्षण गर्ने गरेको तर संरक्षणको अभावमा अरु सयौँ गुरुद्वारा एवम् ऐसिहासिक महत्वका धरोहरहरुको अवस्था भने जीर्ण बन्दै गएको उल्लेख छ ।

भारतीय समाचार संस्था एएनआईका अनुसार पाकिस्तानका गुरुद्वाराहरुको संरक्षणमात्रै हुन सकेको छैन कतिपय अवस्थामा यस्ता गुरुद्वाराहरु पाकिस्तानी सुरक्षा बलको कब्जामा समेत पर्ने गरेका छन् ।

इस्लाम खबरका अनुसार सन् १८७६ मा बाबा खेमसिंह बेदीले रावलपिण्डी सहरको राजा बजारमा रहेको श्री दमदमा शाहिब गुरुद्वारा पनि यस्तै अपहेलनाको शिकार भएको छ ।

शिखहरुको यस पवित्रस्थल हाल बधशाला र मासुपलसका रुपमा प्रयोग हुँदै आएको छ । यस गुरुद्वारामा यात्रीहरुको बन्दोबस्तीका लागि ‘सराइ’ भनिने स्थानको समेत व्यवस्था रहेको बताइएको छ ।

यस गुरुद्वाराको सराइमा ७०–७५ कोठाहरु छन् । यो हाल स्थानीय पसल सञ्चालकको कब्जामा रहेको एएनआईले जनाएको छ ।