काठमाडौं- शहीद स्मारक सी डिभिजन लिगमा महावीर क्लब र प्लानिङ ब्वाइज युनाइटेड बीचको खेल बराबरीमा सकिएको छ ।

ललितपुरको सातदोबाटोस्थित एन्फा कम्प्लेक्समा आइतबार दिउँसो भएको खेलमा महावीर र प्लानिङ बीचको खेल १–१ गोलको बराबरीमा सकिएको हो ।

खेलको तेस्रो मिनेटमा रोमन तामाङको गोलले महावीरले अग्रता लिएको थियो । पहिलो हाफमा अर्को गोल हुन सकेन ।

दोस्रो हाफमा भने प्लानिङले खेलमा पुनरागमन गर्‍यो । खेलको ५५ औँ मिनेटमा दिपेश श्रेष्ठको गोलको मद्दतले प्लानिङले खेल १–१ मा बराबरीमा पुर्यायो । खेलको बाँकी समयमा कुनै गोल हुन नसकेपछि बराबरीमा सकिएको हो ।

आज हुने अन्तिम खेलमा खालीबारी युथ फुटबल क्लब र स्पोर्ट्स एकेडेमी साँगा दिउँसो ४ बजे भिड्नेछन् ।