काठमाडौँ – सहिद स्मारक सी डिभिजन लिगमा झापा फुटबल क्लबले विजयी सुरुवात गरेको छ ।
ललितपुरको सातदोबाटोस्थित एन्फा कम्प्लेक्समा आइतबार बिहान भएको खेलमा झापाले समाज कल्याण खेलकुद केन्द्रलाई ४–२ गोल अन्तरले पराजित गरेको हो ।
झापाको जितमा विशाल खवासको ह्याट्रिक गर्दा सन्तोष लावतीले १ गोल गरेका थिए । समाजका लागि राकेश विश्वकर्मा र सारद राईले गोल फर्काए । झापाका विशाल खवास म्यान अफ द म्याच भए ।
आजै हुने दोस्रो खेलमा महावीर क्लब र प्लानिङ ब्वाईज युनाईटेड दिउँसो पौने १ बजे भिड्नेछन् । खालीबानरी युथ फुटबल क्लब र स्पोर्ट्स एकेडेमी साँगा दिउँसो ४ बजे आमनेसामने हुनेछन् ।
प्रतिक्रिया