काठमाडौँ – नयाँ सरकार गठनका लागि प्रधानमन्त्री तथा नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष प्रचण्डबीच शनिबार बिहान पुनः छलफल हुने भएको छ । शुक्रबार साँझ बालुवाटारमा बसेको बैठकमा सहमति नजुटेपछि भोलि बिहान पुनः छलफल हुने भएकाे हो ।

आजको बैठकमा दुवै नेता आ–आफ्नो अडान नछाड्दा निष्कर्षविहीन भएको प्रधानमन्त्रीका प्रेस सल्लाहकार गोविन्द परियारले जानकारी दिए । तर छलफल सकारात्मक भएको उनको भनाइ छ । सत्तागठबन्धनमा कांग्रेस सभापति देउवा र माओवादी अध्यक्ष प्रचण्डले प्रधानमन्त्रीमा दाबी गरिरहेका छन् । सरकार आलोपालो चलाउने सहमति लगभग भएपनि कस्ले पहिला सरकारको नेतृत्व गर्ने भन्ने विषयमा कुरा मिल्न बाँकी छ ।