काठमाडौँ– पाकिस्तानको नीलम नदीमा चिनियाँ कम्पनीले बनाएको जलविद्युत परियोजना बन्द भएको छ ।

जलविद्युत परियोजनाको सुरुङमा समस्या देखिएपछि बन्द गरिएको हो ।

९६९ मेगावाट विद्युत उत्पादन क्षमता रहेको उक्त परियोजना बन्द भएसँगै पाकिस्तानमा विद्युतको अभाव चर्किने देखिएको छ ।

पाकिस्तानमा उसैपनि विद्युतको माग उच्च रहेको र आपूर्ति कम रहेको बताइन्छ । भारतीय समाचार संस्था एएनआईका अनुसार यस परियोजना बन्द भएसँगै पाकिस्तानमा विद्युतको मागभन्दा ७ हजार ३ सय २४ मेगावाट विद्युत कम आपूर्ति हुँदै आएको छ ।

पाकिस्तानका प्रमुख सहरहरु कराँची र लाहोरमा १२ देखि १६ घण्टासम्म विद्युत कटौती हुँदै आएको एएनआईले जनाएको छ ।

पाकिस्तान सरकारले यसअघि नै ‘उर्जा आपतकाल’ घोषणा गरिसकेको छ ।