काठमाडौँ– नेकपा एकीकृत समाजवादीले महानगर र उपमहानगरपालिकाका उम्मेदवारहरूको टुंगो लगाएको छ ।

सत्ता गठबन्धनमा भएको भागबण्डामा नेकपा समाजवादीले पोखरा महानगरपालिकाको मेयर र काठमाडौँ महानगरपालिकाको उपमेयर, हेटौंडा उपमहानगरको मेयर, इटहरी, बुटवल र तुलसीपुरको उपमेयर पाएको थियो । साेही स्थानहरूका लागि समाजवादीले पार्टीबाट उम्मेदवार तय गरेकाे हाे ।

नेकपा समाजवादीले पोखराको मेयरमा धनराज आचार्य, काठमाडौँको उपमेयरमा रामेश्वर श्रेष्ठ, हेटौँडा उपमहानगरपालिकाको मेयरमा मीना लामा, बुटवल उपमहानगरपालिकाको उपमेयरमा चीनबहादुर गुरुङ, तुलसीपुर उपमहानगर उपमेयरमा जोगबहादुर राना र इटहरी उपमहानगरपालिकाको मेयरमा केशव विष्टलाई उम्मेदवार बनाउने निर्णय गरेको छ ।