काठमाडौँ – फिफा विश्वकप फुटबलमा पोल्याण्ड र मेक्सिकोले बराबरी खेलेका छन् । आइतबार दोहास्थित स्टेडियममा भएको खेलमा कप्तान रोबर्टो लेवान्डोस्की पेनाल्टीमा चुक्दा पोल्याण्ड मेक्सिकोसँग अंक बाँड्न बाध्य भएको हो ।
खेलको ५६ औँ मिनेटमा लेवान्डोस्कीलाई मेक्सिकन डिफेन्डरले डिबक्समा लडाएपछि पोल्याण्डले पेनाल्टी पाएको थियो । तर त्यसलाई कप्तान रोबर्टोले सदुपयोग गर्न सकेनन् । मेक्सिकन गोलरक्षक ग्वीलेर्मो चोवाले उत्कृष्ट बचाउ गरे।
यस बराबरीसँगै पोल्याण्डले पहिलो खेलमा १ अंक जोडेको छ । समूह ‘सी’ मा रहेको पोल्याण्ड दोस्रो स्थानमा रहेको छ।मेक्सिको १ अंक जोडेर तेस्रो स्थानमा रहेको छ ।
प्रतिक्रिया