काठमाडौं । इङ्गलिस प्रिमियर लिग फुटबल प्रतियोगितमा म्यानचेस्टर सिटीले सहज जित निकालेको छ ।घरेलु मैदान इतिहाद रंगशालामा शनिबार भएको खेलमा ब्राइटनलाई ३ – १ ले हराउँदै सिटीले अंक तालिकामा आर्सनलसँगको दुरी घटाएको छ ।

खेलको २२ औं मिनेटमा हालान्डले पहिलो गोल गर्दै सिटीलाई अग्रता दिलाएर्का िथए । खेल ४३ औं मिनेटमा हालान्डले पेनाल्टीमा गोल गर्दै सिटीको अग्रता दोब्बर पारे । यस गोलसँगै हालान्डले म्यानचेस्टर सिटीको लागि १४ खेलमा गोल संख्या २० पुर्याएका छन् ।

दोस्रो हाफमा ब्राइटनका लागि ट्रोसार्डले गोल गरेर खेलमा २–१ को स्थिति बनाएका थिए । तर ७५ औं मिनेटमा केभिन डी ब्रुएनाले उत्कृष्ट गोल गरेपछि सिटीको जित सुनिश्चित भएको हो । यस जितसंगै म्यानचेस्टर सिटि ११ खेलबाट २६ अंक जोडेर तालिकाको दोश्रो स्थानमा छ ।