काठमाडौँ– काठमाडौं महानगरपालिकाले वीर अस्पताल अगाडि रहेको अनधिकृत संरचना हटाएको छ । 

बिहीबार डोजर लगाएर महानगरले अस्पताल अगाडि फार्मेसी रहेका टहराहरुलाई हटाएको हो । डोजर चलाउनु अघि सो क्षेत्रमा रहेका टहराहरू हटाउन सूचना जारी गरेको महानगरले जनाएको छ ।

अस्पताल प्रशासनले औषधी पसल हटाउन जानकारी गराएको र महानगरले समेत सूचना जारी गर्दा पनि पसलहरू सञ्चालनमा रहेपछि डोजर लगाएर संरचना नै भत्काउनु परेको काठमाडौं महानगरका प्रहरी प्रमुख राजु पाण्डले जानकारी दिए ।

वीर अस्पतालले बनाएको नयाँ भवनका बाहिरी भागमा बगैंचा राख्ने अनुमति लिएर नक्सा पास गरेकाले संरचना हटाइएको उनले बताए

महानगरले संरचना हटाउन सुरु गरेपछि व्यापारीहरूले सामानहरू निकालेका थिए ।