काठमाडौँ– अफगानिस्तानको शासन चलाइरहेको तालिबानले एक विश्वविद्यालयका तीन महिला प्राध्यापकहरुलाई बर्खास्त गरेसँगै चर्को आलोचना सुरु भएको छ ।

अफगानिस्तानको बडाखशान प्रान्तको विश्वविद्यालयमा काम कार्यरत तीन महिला प्राध्यापकहरुलाई तालिबानले बर्खास्त गरेको हो ।

उनीहरु १० महिनायता विश्वविद्यालयमा उपस्थित नभएका कारण उनीहरुलाई बर्खास्त गरिएको अधिकारीहरुले जनाएका छन् । यद्यपि गत मार्च महिनाबाट मात्र विश्वविद्यालय नियमित सञ्चालनमा आएका कारण अधिकारीको भनाइ शंकास्पद रहेको द फ्रन्टियर पोस्टर अनलाइन समाचार पोर्टलले जनाएको छ ।

मार्चअघि तालिबानको सत्ताकब्जा एवम् अन्य राजनीतिक अस्थीरका कारण विश्वविद्यालय, विद्यालयहरु, क्याम्पस तथा अन्य शैक्षिक संस्थाहरु बन्द रहेको फ्रन्टियर पोस्टले उल्लेख गरेको छ ।

अधिकारीहरुले जे जस्तो बहाना बनाएपछि यस घटनालाई तालिबानको नेतृत्वमा अफगानिस्तानमा महिला अधिकार थप कटौती भएको अर्थमा विश्लेषण गरिएको द फ्रन्टियर पोस्टले जनाएको छ । हाल उक्त विश्वविद्यालयमा ९ जना महिला प्राध्यापक कार्यरत रहेका छन् ।