काठमाडौं– काठमाडौं महानगरपालिकामा मेयर पदमा स्वतन्त्र उम्मेद्वारी दिएका बालेन्द्र साहले आफ्नो अग्रतालाई निरन्तरता दिइरहेका छन् ।

पछिल्लो मत परिणामअनुसार साहले ४१२७९ मत प्राप्त गरेका छन् । केही समयअघिसम्म दोस्रो स्थानमा रहेका नेकपा (एमाले) का उम्मेदवार केशव स्थापित अहिले भने तेस्रो स्थानमा झरेका छन् ।

केही समयअघिसम्म तेस्रो स्थानमा रहेकी नेपाली कांग्रेसकी उम्मेदवार सिर्जना सिंह अहिले भने दोस्रो स्थानमा उक्लेकी छिन् । उनले २३८५५ मत प्राप्त गरेकी छिन् । तेस्रो स्थानमा रहेका स्थापितले भने २३०२४ मत प्राप्त गरेका छन् ।

यता उपमेयरतर्फ भने नेकपा (एमाले) की सुनिता डंगोलले आफ्नो अग्रतालाई निरन्तरता दिइरहेकी छिन् ।

पछिल्लो मतपरिणामअनुसार उनले ३८३५१ मत प्राप्त गरेकी छिन् । उनका निकटतम प्रतिद्वन्द्वी नेकपा (एकीकृत समाजवादी) का रामेश्‍वर श्रेष्ठले १३४३१ मत प्राप्त गरेका छन् ।

उपमेयर पदमा तेस्रो स्थानमा रहेकी राष्ट्रिय प्रजातन्त्र पार्टीकी बिनिता मगैयाले भने ७०२३ मत प्राप्त गरेकी छिन् ।