जनकपुरधाम- धनुषाको क्षीरेश्वरनाथ नगरपालिका मेयरमा नेकपा एमालेका सुखदेव यादव निर्वाचित भएका छन् ।

निर्वाचित यादवले ७ हजार ९ सय १३ मत ल्याउँदा उनका प्रतिस्पर्धी योगेन्द्र पजियारले ७ हजार ३ सय मत पाएर पराजित भएका छन् । निवर्तमान मेयर समेत रहेका नेपाली कांग्रेस धनुषाका सभापति योगेन्द्र पजियारलाई ६ सय १३ मतको अन्तरले पराजित गर्दै यादव मेयरमा विजयी भएका हुन् ।

उपमेयरमा भने नेपाली कांग्रेसकी रचना श्रेष्ठ माथेमा निर्वाचित भएकी छन् । श्रेष्ठले ७ हजार ५ सय ५० मत पाउँदा उपमेयर प्रतिस्पर्धी नेकपा एमालेकी सालिनी चौधरीले ७ हजार ५ सय ११ मत प्राप्त गरेकी छन् ।

क्षीरेश्वरनाथ नगरपालिका एमाले सचिव रघुवीर महासेठको निर्वाचन क्षेत्र हो । क्षीरेश्वरनाथको वडा नं. १,२,४,५,७,८ र १० मा नेपाली काँग्रेस विजयी भएको छ । भने, वडा नं. ६ र ९ मा नेकपा एमाले प्यानल सहित विजयी भएको छ ।