काठमाडौं – विश्वभर कोरोनाले मृत्यु हुनेको सङ्ख्या ५६ लाख नाघेको छ । गत २४ घण्टामा ८ हजार ७ सय ६ जनाको मृत्यु भएसँगै कोरोनाले मृत्यु हुनेको सङ्ख्या ५६ लाख नाघेको हो ।

अहिलेसम्म ५६ लाख २ हजार ७ सय १७ जनाको मृत्यु भएको कोरोनाको तथ्याङ्क अद्यावधिक गरिरहेको वल्डोमिटरले जनाएको छ ।

अहिलेसम्म सबैभन्दा धेरै संयुक्त राज्य अमेरिकामा ८ लाख ७ हजार ५ सय १२ जनाको मृत्यु भएको छ । त्यहाँ गत २४ घण्टामा मात्रै २ हजार ६ सय ४६ जनाको मृत्यु भएको छ ।

अमेरिकापछि कोरोनाले मृत्यु हुनेको सङ्ख्या ब्राजिलमा धेरै छ । ब्राजिलमा गत २४ घण्टामा ३ सय ९६ जनाको मृत्यु भएसँगै कोरोनाले ज्यान गुमाउनेको सङ्ख्या ६ लाख २२ हजार ६ सय ४७ पुगेको छ ।

ब्राजिलपछि सबैभन्दा बढी मृत्यु भएको भारतमा मृतकको संख्या ४ लाख ८ हजार ९ सय ११ पुगेको छ । भारतमा गत २४ घण्टामा ४ सय ८९ जनाको मृत्यु भएको छ ।

अहिले विश्वभर ३४ करोड ६६ लाखमा कोरोना पुष्टि हुँदा २७ करोड ६५ लाख निको भइसकेका छन् । अझै पनि ६ करोड ४४ लाख सक्रिय सङ्क्रमित रहँदा ९५ हजार ८ सय जनाको अवस्था भने जटिल रहेको वल्डोमिटरले जनाएको छ ।