काठमाडौं – भारतविरुद्धको तीन खेलको एकदिवसीय सिरिज दक्षिण अफ्रिकाले जितेको छ । गएराति अफ्रिकाको घरेलु मैदान पर्लमा भएको दोस्रो एकदिवसीयमा दक्षिण अफ्रिकाले भारतलाई ७ विकेटले हरायो ।

योसँगै एक खेल अगावै दक्षिण अफ्रिकाले सिरिज २-० ले आफ्नो पक्षमा पारेको हो । भारतले दिएको २ सय ८८ रनको लक्ष्य दक्षिण अफ्रिकाले ४८ ओभर १ बलमा मात्र ३ विकेट गुमाएर पूरा गर्यो ।

दक्षिण अफ्रिकाको जितमा जानेमान मालनले ९१ रनको अर्धशतकीय इनिङ्स खेले भने क्विन्टन डी ककले ७८ रनको इनिङ्स बनाए । कप्तान तेम्बा बाभुमाले भने ३५ रन बनाए ।

एडिन मार्क्रम ३७ र रस्सी भान डेर डुसेन ३७ रनमा अविजित रहे । भारतका जस्प्रित बुम्राह, युजभेन्द्र चाहल र शार्दुल ठाकुरले १–१ विकेट लिए ।

यस अघि पहिले ब्याटिङ गरेको भारतले ५० ओभरमा ६ विकेट गुमाएर २ सय ८७ रन बनाएको थियो । तेस्रो तथा अन्तिम एकदिवसीय खेल आइतबार केप टाउनमा हुनेछ ।