काठमाडौँ- इरानले रूसी सेनालाई ड्रोन प्रयोगको तालिम दिन आफ्ना केही सैनिक क्राइमिया पठाएको अमेरिकाले जनाएको छ । रूसी सेनाले युक्रेनका नागरिक पूर्वाधारलाई ड्रोनको निशाना बनाउन इराननबाट सहयोग लिएको अमेरिकाले आरोप पनि लगाएको छ ।

रूसी सेनाका केही कर्मचारी तालिमका निम्ति क्राइमियामा रहेका राष्ट्रिय सुरक्षा परिषद्का सञ्चार संयोजक जोन किर्बीले बताएका छन् ।

इरानमा निर्मित ड्रोन युक्रेनभर जारी आक्रमणमा प्रयोग गर्न रूसी सेनाका जवानलाई प्रशिक्षण दिन इरानी सेनाका अधिकारी क्राइमिया सक्रिय रहेका तथा युक्रेनविरूद्ध इरानको संलग्नताले इरान रूस–युक्रेन द्वन्द्वमा प्रत्यक्षरूपमा सक्रिय रहेको पुष्टि हुने उनले बताए ।

इरानी सैन्य कर्मचारी क्रिमियाको भूमिमा पुगेका तथा ड्रोन आक्रमणमा रूसी सेनालाई सघाएका बताउँदै उनले रुसले ड्रोन प्राप्त गरिसकेको जनाएका छन् । इरानबाट भविष्यमा यस्ता ड्रोनको थप ढुवानी हुने पनि उनले बताए ।

ड्रोनको प्रयोग नजानेका रूसी सेनालाई सघाएर इरानले अमेरिकासँगको आणविक सम्झौता वार्तालाई अनिश्चितातर्फ धकेलेको छ । रूसी सेनासँगको उसको बढ्दो सम्बन्धलाई पनि अमेरिकाले अस्वाभाविक रूपमा लिएको छ ।