काठमाडौँ- अमेरिकाको इलेनाई राज्यको शिकागो सहरमा रहेको एक आवासीय भवनमा विस्फोट हुँदा कम्तीमा आठ जना घाइते भएका छन् ।

शिकागोको साउथ अष्टिन क्षेत्रमा अवस्थित ४ तल्ले आवासीय भवनमा विस्फोट भएको अमेरिकी टेलिभिजन सीबीएसको अनलाइन संस्करणले जनाएको छ ।

साउथ अष्टिनको वासिंटन बुलेभार्ड र सेन्ट्रल एभिन्यु नजिकै विस्फोट भएको फक्स न्युजले जनाएको छ । विस्फोटमा घाइते भएका तीन जनाको अवस्था गम्भीर रहेको छ ।

विस्फोट भएको स्थान नजिकै रहेको भवन खाली गर्ने काम भइरहेको दमकल अधिकारीहरुले बताएका छन् । विस्फोटबारे प्रहरीले अनुसन्धान गरिरहेको छ ।

यता शिकागो सहरकी मेयर लोरी लाइटफुटले यस घटनामा खटिएका खोजी तथा उद्धारकर्मी, अग्नि नियन्त्रक एवम् सुरक्षाकर्मीलाई धन्यवाद दिएकी छिन् ।