काठमाडौं – विश्वभर प्रत्येक चार सेकेन्डमा भोकले एक जनाको मृत्यु भइरहेको अध्ययनले देखाएको छ। अक्सफाम, सेभ द चिल्ड्रेन, प्लान इन्टरनेसनललगायत विभिन्न संस्थाले गरेको अध्ययनले यस्तो देखाएको हो।
यो अध्ययनमा दुई सय संस्था सहभागी भएको अन्तर्राष्ट्रिय सञ्चार माध्यमले उल्लेख गरेका छन्। अध्ययनमा प्रत्येक चार सेकेन्डमा भोकका कारण एक जनाको मृत्यु भइरहेको दाबी गरिएको छ।
विश्वव्यापी भोकमरी सङ्कट अन्त्य गर्नका लागि निर्णायक अन्तर्राष्ट्रिय कदम चाल्नुपर्ने माग संघसंस्थाले गरेका छन्। संयुक्त राष्ट्र सङ्घको साधारणसभामा सहभागी हुने क्रममा ७५ देशका २३८ संस्थाले विश्व नेतालाई खुलापत्र दिने तयारी समेत गरेका छन्।
प्रतिक्रिया