काठमाडौं– विश्वभर कोरोना भाइरसको सङ्क्रमण पुष्टि हुनेको सङ्ख्या ५७ करोड नाघेको छ। पछिल्लो २४ घण्टामा ७ लाख ५५ हजारभन्दा धेरै नयाँ सङ्क्रमित थपिएका छन्। योसँगै विश्वभर कोरोना पुष्टि हुनेको सङ्ख्या ५७ करोड ४ लाख नाघेको हो।

अहिलेसम्म सङ्क्रमण पुष्टि भएका मध्ये ५४ करोड १४ लाख निको भएका छन्। २४ घण्टामा मात्रै ६ लाख ९८ हजार सङ्क्रमित निको भएको वल्डोमिटरले जनाएको छ।

२४ घण्टामा १४ सयभन्दा धेरैको मृयु भएसँगै विश्वभर कोरोनाका कारण मृत्यु हुनेको सङ्ख्या ६३ लाख ९३ हजारभन्दा धेरै भएको छ।

अझै २ करोड २५ लाख सक्रिय सङ्क्रमित रहेकामा ४० हजारको अवस्था जटिल रहेको र बाँकीको अवस्था सामान्य रहेको वल्डोमिटरले उल्लेख गरेको छ। पछिल्लो समय विश्वभर संक्रमण बढ्दै गएको छ। त्यसको प्रभाव नेपालमासमेत देखिन थालेको छ।