काठमाडौँ– अभिनेता अजय देवगणको नयाँ फिल्म ‘दृश्यम २’ आउँदो नोभेम्बरमा रिलिज हुने भएको छ । मलयालम भाषामा बनेको ‘दृश्यम २’ कै हिन्दी रिमेक हो यो फिल्म । यस अगाडि पनि अजयले दृश्यमको रिमेकमा काम गरेका थिए । सन् २०१५ मा रिलिज हिन्दी रिमेक फिल्म ‘दृश्यम’ को निर्देशन दिवंगत निर्देशक निशिकान्त कामतले गरेका थिए ।
हिन्दी रिमेक ‘दृश्यम २’ मा अजयसँगै श्रेया सरण, तब्बु र इशिता दत्ता प्रमुख भूमिकामा छन् । फिल्मलाई अभिषेक पाठकले निर्देशन गरेका छन् । फिल्ममा एउटा सामान्य व्यक्तिले आफ्नो परिवारमा आइपर्ने समस्यालाई कसरी सुल्झाउँछ भन्ने कथालाई देखाइएको छ ।
प्रतिक्रिया