काठमाडौँ- इण्डियन प्रिमियर लिग आईपिएलमा आज एक खेल हुँदैछ । भारतको मुम्बईस्थित डी वाई पाटिल स्टेडियममा हुने खेलमा मुम्बई इण्डियन्स र चेन्नई सुपर किङ्ग्स आज राति पौने ८ बजे भिड्नेछन् । यो जसप्रित बुमराहको २०० औँ टी–ट्वान्टी खेल हो । साथै रोबिन उथप्पाको यो २०० औँ आईपिएल खेल पनि हो ।
यसअघि मुम्बई लखनउ सुपर जायन्ट्ससँग १८ रनले पराजित भएको थियो । चेन्नाई भने गुजरात टाइटन्ससँग ३ विकेटले पराजित भएको थियो ।
चेन्नाई आफ्नो दोस्रो र मुम्बई पहिलो जितको खोजीमा प्रतिस्पर्धा गर्नेछ । ६ खेलमा १ जित निकालेको चेन्नई २ अंकसहित तालिकाको ९ औँ स्थानमा छ । सबै खेलमा पराजित मुम्बई अंकविहिन हुँदै पुछारमा छ ।
प्रतिक्रिया