काठमाडौँ– निराजन प्रधान र मिरुना मगर जोडी बाँधिएको म्युजिक भिडियो ‘सरुँ सरुँ लाग्यो’ सार्वजनिक भएको छ ।

राजेश पुमा राईको निर्देशन रहेको गीतमा चियाबारीका सुन्दर दृश्यमा मायाको कुरा गरेका छन् । राजनराज सिवाकोटीको संगीत तथा स्वर रहेको गीतलाई सुमन योञ्जनले लेखेका हुन् । युगल गीतका लागि राजनराज सिवाकोटीलाई दीपा लामाले साथ दिएकी छिन् ।

भिडियोमा निराजन र मिरुनाको केमेस्ट्री सुन्दर देखिएको छ । निराजन म्युजिक भिडियोबाट फिल्म तर्फ आइसकेका छन् भने मिरुनाले फिल्मपछि बल्ल म्युजिक भिडियो खेल्न थालेकी हुन् ।

कमल राईले कोरियोग्राफी गरेको गीतमा दुवैले सुन्दर नृत्य गरेका छन् । गीतलाई उत्सव दाहालले छायांकन गरेका हुन् भने विकास दाहालले सम्पादन गरेका हुन् ।