लसएञ्जल्स(बलिउड लाइफ)– हलिउड अभिनेत्री पामेला एण्टडसनले पाँचौ पतिसँग सम्बन्धविच्छेद गरेकी छन् । पामेलाले पाँचौ पति डेनविरुद्ध अदालतमा निवेदन दिने निर्णय लिएकी छन् । उनीहरुले एक वर्षअघि विवाह गरेका थिए ।

समाचारअनुसार आपसी मतभेदपछि पामेलाले पतिबाट अलग्गिने निर्णय लिएकी हुन् । उनीहरुको सम्बन्धमा दरार आइसकेकाले सँगै बस्न नसक्ने जनाउँदै पामेला पाँचौं पतिलाईं छोड्ने तयारीमा पुगेकी छन् ।

पामेला र डेन अहिले सँगै छैनन् । उनीहरुको बाटो नै अलग भइसकेको छ । यो जोडीले गत वर्षको क्रिसमसको दिन विवाह गरेका थिए । जुन विवाहमा केही सीमित व्यक्तिको मात्र उपस्थिति थियो । केही महिना डेट गरेपछि पामेलाको हृदयमा डेन आएका थिए । त्यहीकारण पामेलाले पाँचौ पटक विवाह गर्ने निर्णय लिएकी थिइन् ।

डेन अभिनेत्री पामेलाको बडीगार्ड हुन् । लामो समयसम्म पामेलासँग सहकार्य गरेकाले उनीहरुबीच नजिकपन बढेको थियो ।