रोल्पा – प्रतिनिधि सभा र प्रदेश सभाको निर्वाचनमा रोल्पामा करिब ४६ प्रतिशत मत खसेको छ । मुख्य निर्वाचन अधिकृत खिमानन्द भुसालका अनुसार सबैभन्दा कम थवाङ गाउँपालिकामा मत खसेको छ । थबाङ गाउँपालिकामा २ हजार ४१८ मत मात्र खसेको छ । थवाङ गाउँपालिका भित्र मिरुल, उवा र थबाङ गरि साविकका तीन गाविस पर्दछन् ।

त्रिवेणी गाउँपालिकामा ८ हजार १२२ मत खसेको छ भने रुन्टीगढीमा ८ हजार ६७९, परिवर्तनबाट ६ हजार ३२०, गंगादेवबाट ६ हजार ७१३, माडीबाट ६ हजार १२८, सुनिलस्मृति गाउँपलिकाबाट ८ हजार २३४, सुनछहरीबाट ४ हजार ३९०, लुग्रीबाट ६ हजार ८७३ र रोल्पा नगरपालिकाबाट ९ हजार ५६० खसेको छ । जिल्लाको जम्मा मत संख्या १ लाख ४५ हजार ४७१ रहेको छ ।