काठमाडौँ- चिनियाँ कम्पनीले पाकिस्तानको नीलम झेलुम जलविद्युत परियोजनामा मर्मतको काम ठप्प पारेको छ ।

पाकिस्तानको प्रशासनमा रहेको कश्मीरमा निर्मित ९६९ मेगावाट क्षमताको जलविद्युत परियोजनाबाट चिनियाँ कम्पनी पछि हटेको भारतीय समाचार संस्था एएनआईले जनाएको छ ।

उक्त परियोजनामा काम गर्ने इन्जिनियर एवम् अन्य कर्मचारीले काम गर्न छाडेको बताइएको छ । यसअघि विद्युत र ऊर्जाको अभाव भएदेखि गत जुलाई महिनायता उक्त परियोजना बन्द छ ।

उक्त परियोजनाको सुरुङमा समस्या देखिएको छ । चिनियाँ पक्षले स्थानीयहरुको विरोध प्रदर्शन र पाकिस्तान सरकारले उचित सुरक्षा बन्दोबस्त गर्न नसकेका कारण काम त्यागेको प्रतिक्रिया दिएको एएनआईले जनाएको छ ।

चिनियाँ पक्षले काम गर्न छाडेपछि हाल पाकिस्तान र चीनबीचको सम्बन्धमा चिसोपन आएको विश्लेषण गरिएको छ ।