दोहा – नेपाली श्रमिकको समस्यालाई मध्यनजर गर्दै राहदानी नवीकरणको लागि साउदीको दमाममा घुम्ती शिविर सम्पन्न भएको छ ।

गैरआवासीय नेपाली संघ (एनआरएनए) साउदीले सञ्चालनमा ल्याएको आउटरिच शिविरअन्तर्गत त्यहाँको पूर्वी क्षेत्र दमाममा शिविर आयोजना गरिएको हो। उक्त कार्यक्रमबाट दमाममा ३ सय ९६ जना आप्रवासी नेपालीले सेवा लिएका लिएको संघले जनाएको छ ।

शिविरमा दमाममा नेपाली दूतावास रियादबाट राहदानी नवीकरणको लागि २१ मार्चसम्म र त्यसभन्दा अघि फारम संकलन गरिएका सेवाग्राहीहरूको नवीकृत राहदानी वितरण गरिएको थियो ।

राहदानी वितरणका लागि नेपाली दूतावास रियादबाट हेमन्ने आचार्यसहित दूतावास पदाधिकारीहरू र एनआरएनए साउदीका पदाधिकारीहरूको सहजीकरणमा ३ सय ९६ जनालाई राहदानी वितरण गरिएको थियो ।

कार्यक्रममा नेपाली दूतावास रियादको पूर्वी क्षेत्रका जनसम्पर्क अधिकारी नारायण पासवानसँगै सहजीकरणका एनआरएनए मध्यपूर्व संयोजक राजेन्द्र अर्याललगायत अन्य पदाधिकारीहरूको उपस्थिति थियो ।