काठमाडौं– भारतीय महिला एवम् बाल विकासमन्त्री स्मृति इरानीले महिला सशक्तीकरणको प्रयासमा भारत अग्रस्थानमा रहेको बताएकी छिन् ।

संयुक्त राष्ट्रसंघीय महिला आयोगको ६६ औं अधिवेशनमा बोल्दै इरानीले महिला सशक्तीकरणका क्षेत्रमा भारतमा आमूल परिवर्तन आएको उल्लेख गरिन् ।

यससँगै उनले प्रधानमन्त्री नरेन्द्र मोदीको नेतृत्वमा भारत सरकार महिलाको क्षेत्रमा बहुआयामिक रणनीतिका साथ अघि बढिरहेको समेत बताइन् ।

महिलाविरुद्ध हुने विभेद र हिंसाको अन्त्य गर्दै समुन्नत राष्ट्र र आत्मनिर्भर भारतको दिशामा अघि बढाउन भारत सरकार प्रतिबद्ध रहेको पनि उनको भनाइ छ ।

उनले कोभिड १९ महामारीका बेला महिला स्वास्थ्यकर्मीहरूले खेलेको भूमिकाको पनि प्रशंसा गरिन् ।