काठमाडौँ– अन्तत नेपाली एक्ट्रेस विश्व प्रसिद्ध कान्स फिल्म फेस्टिभलको रेड कार्पेटमा देखिएकी छिन् । 

यसका साथै रेडकार्पेटमा वाक गर्ने पहिलो नेपाली एक्ट्रेस बनेकी छन् । उनी अभिनीत इटाली र बेल्जियमको फिल्म ‘द एइट माउन्टेन्स’ को प्रिमियरका लागि कान्स पुगेकी सुरक्षा रेड कार्पेटमा देखिएकी हुन् । मुख्य प्रतिस्पर्धा पाम दे ओरमा स्क्रिनिङ हुने उनी अभिनीत फिल्म दोस्रो हो । रातो गाउनमा सजिएकी सुरक्षा कान्स रेडकार्पेटमा आकर्षक देखिएकी थिइन् ।

कान्समा भाग लिनैको लागि सुरक्षा मंगलबार फ्रान्स पुगेकी थिइन् । निर्देशकद्धय फेलिक्स भान ग्रोनिनगेन र चार्लोट्टी भन्डरमिर्ससहित कलाकार र क्रिउले प्रिमियरमा भाग लिएका थिए । नेपाल र इटालीका हिमालयमा छायांकन गरिएको फिल्ममा सुरक्षाको समेत मुख्य भूमिका छ । सुरक्षा मात्र होइन यसपटक कान्समा नेपालबाट लोरी छानिएको छ । 

यसका साथै नेपाली फिल्म ‘एक मुठी बादल (माइ सेयर अफ स्काइ)’ कान्सको फिल्मी बजारमा छानिएको छ । शुक्रबार कान्स मार्केटमा फिल्मको ‘स्क्रिप्ट पिचिङ’ हुँदैछ ।