काठमाडौँ – नेपाली क्रिकेट टिमका कप्तान सन्दीप लामिछानेले मंगलबार भएको बिग बास लिग (बीबीएल)मा उत्कृष्ट प्रदर्शन गरेका छन् ।

लेग स्पिनर लामिछानेले दुई विकेट लिँदा उनी आबद्द होबार्ट हरिकेन्स विजयी भएको छ ।

मेलवर्न रेनेगड्सविरूद्धको खेलमा सन्दीपले ४ ओभर बलिङ गर्दै २७ रन खर्चिए दुई विकेट लिएका हुन् । ४ ओभरमा उनले १३ बल डट खेल्दा ३ चौका र १ छक्का दिए।

उक्त खेलमा नेपाली कप्तान सन्दीप आबद्ध हरिकेन्स ६ रनले विजयी भयो। पहिलो ब्याटिङ गरेको सन्दीपको टिम हरिकेन्सले ५ विकेटको क्षतिमा १८२ रन जोडेको थियो । उसका लागि कप्तान मेथ्यु वेडले ४८ रन बनाए भने टिम डभिडले नटआउट ४६ रन जोडे।

१८३ रनको लक्ष्य पछ्याएको मेलवर्नले २० ओभरमा ६ विकेटको क्षतिमा १७८ रनमा समेटिएको थियो । मेलवर्नका लागि आरोन फिन्चले ७५ र साउन मार्सले ५१ रन जोडे पनि जितका लागि पर्याप्त भएन ।

यो जितसँगै हरिकेन्सले १२ खेलमा २७ अंक जोडेको छ । हरिेकेन्स लिगको पाँचौ स्थानमा छ। सन्दीपले १३ खेलमा १४ विकेट लिएका छन्।