काठमाडौँ – इटालियन सिरी ‘ए’ मा इन्टर मिलानले हार बेहोरेको छ । इन्टर मिलानले घरेलु टोली उडिनेससँग ३–१ ले पराजित भएको हो ।
डासिया एरिनामा आइतबार राति भएको खेलको पाँचौं मिनेटमा निकोलो बरेल्लाको गोलबाट इन्टरले सुरुवाती अग्रता लियो । तर, २२औं मिनेटमा मिलान स्क्रिनिएरले आत्मघाती गोल गरेपछि घरेलु टोली उडिनेस खेलमा फर्किएको थियो ।
८५औं मिनेटमा जाका विजोलले गोल गर्दै उडिनेसलाई २–१ को अग्रता दिलाए । इन्ज्युरी समयको थप गरिएको तेस्रो मिनेटमा टोल्गे अर्सलानले गोल गर्दै उडिनेसलाई सानदार पूनरागमन जित दिलाए । यस जितसँगै उडिनेस ७ खेलबाट १६ अंक जोडेर शीर्षस्थानमा उक्लिएको छ ।
प्रतिक्रिया