काठमाडौँ- पाकिस्तानमा ईश निन्दाको विरोधमा धार्मिक एवम् व्यापारिक संगठनहरुले प्रदर्शन गरेका छन् ।

पाकिस्तानको खैबर पख्तुनख्वा प्रान्तमा विभिन्न इस्लामिक संस्था एवम् व्यापारिक संगठनले ईश निन्दाको विरोधमा प्रदर्शन गरेको भारतीय अनलाइन पोर्टल द प्रिन्टले जनाएको छ ।

प्रदर्शनमा पाकिस्तानी इस्लामिक संघहरु अहलए सुन्नत वाल जमात, जमात ए इस्लामी, जमात उलेमा ए इस्लाम फज्ल लगायतको संलग्नता रहेको पाकिस्तानबाट प्रकाशित हुने डन अखबारले जनाएको छ ।

यसअघि पाकिस्तानको खैबर पख्तुनख्वामा ईश निन्दाको आरोपमा एकजना सुरक्षाकर्मीलाई पक्राउ गरिएको थियो ।

उनले सामान्य विवादका क्रममा इस्लामविरोधी एवम् ईश निन्दाजन्य वक्तव्य दिएको आरोप छ ।

प्रदर्शनकारीले ईश निन्दा गर्नेविरुद्ध कठोर कारवाहीको माग गरेको जनाइएको छ ।