काठमाडौँ – नेकपा माओवादी केन्द्रको स्थायी समितिको बैठक सारिएको छ।

पार्टीको पदाधिकारीको टुंगो लगाउन पार्टी केन्द्रीय कार्यालय पेरिसडाँडामा बिहान १० बजे बोलाइएको बैठक दिउँसो ४ बजेसम्मलाई सारिएको हो।

बिहान सत्तारुढ गठबन्धनको बैठक बस्ने र अध्यक्ष पुष्पकमल दाहाल प्रचण्ड सहभागी हुने भएकाले पार्टीको बैठक सरेको हो।

बुधबार बसेको पार्टीको स्थायी कमिटी बैठकको निर्णयअनुसार आजको बैठकले पदाधिकारी र स्थायी कमिटीलाई पूर्णता दिने माओवादी प्रवक्ता कृष्णबहादुर महराले बताएका थिए । साथै केन्द्रीय कमिटी, पोलिटब्यूरो, स्थायी कमिटी र पदाधिकारीको टुंगो लगाउने तयारी छ ।

माओवादीको आठौं महाधिवेशन सात महिना अघि भएको थियो । तर, महासचिवमा सहमति नहुँदा पदाधिकारीको टुंगो लाग्न सकेको छैन ।