काठमाडौँ – काठमाडौँ उपत्यका ट्राफिक प्रहरी कार्यालयले सवारी आवागमनलाई सुरक्षित, मर्यादित र व्यवस्थित गर्न २२ स्थानमा २४ घण्टा नै जनशक्ति परिचालन गरिएको जनाएको छ ।

कार्यालयले सोमबार काठमाडौँमा पत्रकार सम्मेलन गर्दै काठमाडौँका विभिन्न ४० स्थानमा समेत चेकिङको व्यवस्था मिलाएको समेत जनाएको छ । त्यस्तै अन्य आवश्यक स्थानमा चेक प्वाइन्ट राखेर सवारी चेकिङ तथा अनुगमन बढाउन लागिएको महानगरीय ट्राफिक प्रहरी कार्यालयकी प्रमुख डीआइजी मीरा चौधरीले जानकारी दिइन्। लेन अनुशासन, नो हर्न लगायतका ट्राफिक नियमलाई बनाउने उनले बताइन् ।

त्यस्तै काठमाडौँको बढी सवारी चाप हुने स्थानमा सहज रूपमा आवागमनको व्यवस्था मिलाउनका पनि काम सुरु गरिसकेको उनको भनाइ छ । उनले पार्किङ स्थलको समस्या समाधानका लागि अन्य सरोकारवाला पक्षसँग छलफल गरिरहेको जानकारी दिए। ट्राफिक लाइटको बिस्तारका साथै लेन सुधार लगायतका विषयमा आफ्नो ध्यान केन्द्रित रहेको उनको छ ।

सवारी व्यवस्थापनका साथै ट्राफिकको व्यवहार सुधारका लागि दैनिक ४० जना ट्राफिक प्रहरीलाई आचरण व्यवहार र अनुशासनको प्रशिक्षण दिइरहेको ट्राफिक कार्यालयले जनाएको छ ।