काठमाडौँ- नेकपा एमालेका नेता प्रदीप ज्ञवालीले नेपाल कुनै पनि शक्ति राष्ट्रको रणनीतिक अङ्ग बन्न नसक्ने स्पष्ट परेका छन्।

शनिबार काठमाडौँमा आयोजित एक कार्यक्रममा ज्ञवालीले मुलुकको राष्ट्र हितबिपरित नेपाल शक्ति राष्ट्रको रणनीतिक अङ्ग बन्न नसक्ने स्पष्ट परेका हुन् । स्टेट पार्टनरसीप प्रोग्राम एसपीपीका विषयमा धेरै आशङ्का रहेको भन्दै यसका विषयमा राज्यले थप स्पष्ट पार्नुपर्ने उनको भनाइ छ ।

तत्कालीन समयमा नेपाली सेनाले कुनै राजनीतिक नेतृत्वलाई जानकारी नै नदिई पत्र लेखेको पाइएको उनले बताए ।

त्यस्तै उनले सन् २०१९ मा इन्डो प्यासेफिकको रिपोर्टमा नेपाल र श्रीलंकालाई एसपीपीको नयाँ सदस्यको रूपमा राखेको देखिएपछि मात्र तत्कालीन केपी शर्मा ओली नेतृत्वको सरकारले यसबारेमा थाहा पाएको एमाले उपमहासचिव ज्ञवालीको दाबी गरे । त्यसपछि सरकारले कार्यदल बनाएर अध्ययन गर्न लगाएको र यस विषयलाई होल्ड गरेको पनि उनले बताए ।