काठमाडौँ– स्थानीय तहको निर्वाचन सम्पन्न भएसँगै रिजल्ट आउने क्रम बढ्दो छ ।

विवाद र पुनः मतदान भएका पालिकाहरूको नतिजा आउन थालिसकेको छ । यसैक्रममा सर्लाहीको दक्षिणपूर्वी क्षेत्र स्थित हरिपुर्वा नगरपालिकाको मेयर र उपमेयरमा नेपाली कांग्रेसका उम्मेदवार निर्वाचित भएका छन् ।

हरिपुर्वा नगरपालिकाको मेयरमा नेपाली कांग्रेसका विनोदकुमार साह तेली ५ हजार ९९ मत ल्याउँदै निर्वाचित भएका हुन् । उनका निकटतम प्रतिद्वन्द्वी जनता समाजवादी पार्टीका योगनारायण रायले ३ हजार ४ सय ९५ मत मात्र पाए । यस्तै उपमेयरमा पनि नेपाली कांग्रेसकी उम्मेदवार सुमित्रा देवी ग्वारनी निर्वाचित भएकी छिन् ।

उनले ४ हजार ३ सय ९१ मत प्राप्त गर्दा उनका निकटतम प्रतिद्वन्द्वी जनता समाजवादी पार्टीकी सुनितादेवी यादवले ३ हजार ४ सय मत मात्र प्राप्त गरिन् ।