काठमाडौं– भारत प्रशासित जम्मु कश्मीरमा सरकारले ५ हजारभन्दा धेरै युवाहरुलाई उज्ज्वल भविष्यका लागि तालिम दिने भएको छ ।
जम्मु कश्मीरका लेफ्टिनेन्ट गभर्नर मनोज सिन्हाले ५ हजार युवाहरुलाई तालिम दिने घोषणा गरेको भारतीय समाचार संस्था एएनआईले जनाएको छ ।
सेनाले आयोजना गरेको ‘सही रास्ता’ नामक कार्यक्रममा बोल्दै उनले भने, ‘हामी उज्ज्वल भविष्यका लागि ५ हजार भन्दा धेरै युवाहरुलाई तालिम दिनेछौँ ।’
यसबाट युवाहरुलाई खराब गतिविधि गर्नबाट जोगाउने र उनीहरुमा नैतिकताको विकास हुने एएनआईले जनाएको छ ।
उक्त कार्यक्रममा लेफ्टिनेन्ट गभर्नर सिन्हाले सुरक्षा व्यवस्था चुस्त बनाई शान्ति एवम् स्थिरता कायम गरेकोमा भारतीय सेनालाई धन्यवाद समेत दिएको एएनआईले जनाएको छ ।
प्रतिक्रिया