काठमाडौँ– श्रम, रोजगार तथा सामाजिक सुरक्षामन्त्री कृष्णकुमार श्रेष्ठले अफ्रिकी मुलुक सिसेल्सका समकक्षीसहितसँग भेटवार्ता गरेका छन् ।
सिसेल्सको भ्रमणमा रहेका मन्त्री श्रेष्ठले त्यहाँका रोजगार तथा सामाजिक मामिलामन्त्री प्याट्रिक फ्यानकोट र आन्तरिक मामिलामन्त्री इरोल फोन्स्कासँग भेटवार्ता गरेका हुन् ।
भेटवार्तामा नेपाल र सिसेल्सबीचको श्रम सम्झौता, द्विपक्षीय सम्बन्ध र आपसी हितका विषयमा परामर्श भएको छ ।
भेटमा एक महिनाभित्र श्रम सम्झौतालाई टुङ्गोमा पुर्याउन संयुक्त कार्यदल गठन गर्ने सहमति भएको छ । मन्त्री श्रेष्ठ कतार, यूएई र सिसेल्सको भ्रमणमा रहेका छन् ।
प्रतिक्रिया