काठमाडौं । इंग्लिस प्रिमियर लिग फुटबल प्रतियोगितमा साविक विजेता म्यानचेस्टर सिटी शीर्ष स्थानमा उक्लिएको छ । शनिबार भएको खेलमा उल्भ्सलाई ३–० गोल अन्तरले हराउँदै सिटी शीर्ष स्थानमा उक्लिएको हो।

सिटीलाई जित दिलाउन ज्याक ग्रेलिस, एर्लिङ हालाण्ड र फिल फोडेनले एक एक गोल गरे ।

खेलको पहिलो मिनेटमै ग्रेलिसले गोल गर्दै सिटीलाई सुरुआती अग्रता दिलाएका थिए ।१६ औं मिनेटमा हालाण्डले गोल गरेपछि सिटी २– ० ले अघि रह्यो ।त्यसपछि खेलको ६९ औं मिनेटमा फोडेनले गोल गर्दै सिटीलाई ३–० को जित दिलाए ।

खेलको ३३ औं मिनेटमा नाथन कोलिन्सले रातो कार्ड पाएपछि उल्भ्स १० खेलाडीमा समेटियो । यस जितसँगै शीर्ष स्थानमा उक्लिएको सिटीले ७ खेलमा १७ अंक जोडेको छ ।