काठमाडौँ– संस्कृति, पर्यटन तथा नागरिक उड्डयन मन्त्री प्रेम आलेले मातहतका कुनै पनि कर्मचारीलाई आफूले दुर्व्यवहार नगरेको दाबी गरेका छन् ।

मन्त्री आलेले नेपाल वायुसेवा निगमका कार्यकारी अध्यक्षलाई गालीगलौज गरेको समाचार अडियोसहित सार्वजनिक भएपछि मन्त्री आलेको सचिवालयले विज्ञप्ति निकालेर त्यसको खण्डन गरेको हो ।

पटक–पटक विवादमा मुछिएका मन्त्री आलेको सचिवालयले ती समाचारहरू झुठो भएको र आवश्यक परे मन्त्रालय र प्रशासनले सीसीटीभी फुटेज उपलब्ध गराउने बताएको छ ।

विज्ञप्तिमा भनिएको छ, ‘निगम कार्यकारी अध्यक्षसँगको प्रसँगमा माननीय मन्त्रीज्यूले स-साना काममा पनि निर्देशन दिनुपर्ने, सचेत गराउनुपर्ने, सम्झाउनुपर्ने क्रम निरन्तर रहेकाले एकपटक मात्र नभई बारम्बार दर्जनौंपटक निर्देशन दिनुपरेको अवस्था आजसम्म कायमै रहेको छ ।’

मन्त्री आलेको सचिवालयले गालीगलौजका सम्बन्धमा कानूनले निषेध गरेको गोपनियताको हकको उल्लंघन गर्दै दुईपक्षीय वार्ता र संवाद रेकर्ड गर्दै मिडियामा ल्याउने गरेको र सम्झाउँदा पनि नमानेको बताएको छ ।

यस्तै कार्यकारी अध्यक्षको व्यक्तिगत चरित्रलाई लिएर निगमभित्रै महिला कर्मचारीले थुप्रैपटक मन्त्रालयमा उजुरी दिएको आरोपसमेत लगाइएको छ ।

हेर्नुहोस् विज्ञप्ति: