काठमाडौं- एएफसी एसियन कप २०२३ छनोटको तयारीस्वरूप नेपालले अफगानिस्तानसँग दुईवटा मैत्रीपूर्ण खेल खेल्ने भएको छ ।
नेपाल र अफगानिस्तान बीचको खेल जेठ ११ र १५ गते कतारमा हुने छ । राष्ट्रिय फुटबल टोली अहिले बन्द प्रशिक्षणमा छ ।
एसियन कप २०२३ छनोटमा नेपाल जोर्डन, कुवेत र इन्डोनेसियासँग समुह ‘ए’ मा रहेको छ । छनोटअन्तर्गतको पहिलो खेलमा नेपालले जोर्डनसँग जेठ २५ गते खेल्नेछ ।
दोस्रो खेलमा कुवेतसँग जेठ २८ गते प्रतिस्पर्धा गर्नेछ । अर्को खेलमा नेपाल र इन्डोनेसिया जेठ ३१ गते भिड्नेछन् । छनोट खेल कुवेतमा आयोजना हुनेछ ।
प्रतिक्रिया