काठमाडौँ– नेकपा विप्लव समूहका शीर्ष नेताहरूले नेकपा माओवादी केन्द्र र एकीकृत समाजवादीका शीर्ष नेताहरूसँग भेट गरेका छन् ।

आइतबार नेकपा विप्लव समूहका सचिवालय सदस्यहरू धर्मेन्द्र बास्तोला कन्चन र हेमन्तप्रकाश वली सुदर्शनले माओवादी अध्यक्ष प्रचण्ड र नेकपा एकीकृत समाजवादीका अध्यक्ष माधवकुमार नेपालसँग भेट गरेका हुन् ।

उनीहरूबीच कोटेश्वरस्थित अध्यक्ष नेपालको निवासमा भेट भएको हो ।

केही दिनअघि कपिलवस्तुमा बसेको नेत्रविक्रम चन्द नेतृत्वको नेकपा विप्लव समूहको बैठकले चुनावमा सहभागिता नजनाउने र बहिष्कार पनि नगर्ने निर्णय गरेको थियो । यो निर्णयलाई लिएर पार्टीमा मतभेद छ ।

विप्लव समूहका कन्चन र सुदर्शनले पछिल्लो समय ठूला दलका शीर्ष नेताहरूसँग भेटघाट गर्दै आएका छन् ।