काठमाडौँ– नयनराज पाण्डेको लोकप्रिय उपन्यास ‘उलार’ अब रंगमञ्चमा प्रस्तुत हुने भएको छ।

गार्डेन थिएटरले कथा घेरासँगको सहकार्यमा मञ्चन गर्न लागेको नाटकमा सरिता गिरी, सबीर चुरौटे, अरुण शर्मा, संजय गुप्ता, शेखर चापागाईलगायत कलाकार मुख्य भूमिकामा देखिने छन् । यही वैशाख ६ गतेदेखि टेकुस्थित कौसी थिएटरमा मञ्चन हुने नाटक चे शंकरको परिकल्पना तथा निर्देशनमा प्रस्तुत हुन लागेको हो ।

२५ वर्षअघि प्रकाशित उलार नेपालगञ्जको परिवेशमा बुनिएको उलार सीमान्त तहका जनताको संघर्षको कथा हो ।

नयनराज पाण्डेको महत्वपूर्ण कृतिका रुपमा रहेको उलारको कथा र यसले उठाएका मुद्दा वर्तमान नेपाली समाजमा सान्दर्भिक रहेको निर्देशक चे शंकरको भनाइ छ । दर्जन बढी नाटक निर्देशन गरेका चे शंकरको निर्देशनमा यसअघि सेम टाइम नेक्स इयर, लुक ब्याक इन एंगर, तिर्खा, ऊ मरेकी छैन, कोही किन बरबाद होस्, मिस्टर फक्स एन्ड स्कुल ब्वायलगायत नाटक मञ्चन भइसकेका छन् ।