काठमाडौं– पाकिस्तानी प्रधानमन्त्रीका लागि पूर्व विशेष सल्लाहकार यार मोहम्मद रिन्दले बलोचिस्तान प्रान्तमा मुख्यमन्त्री नियुक्त गरिदा ठूलो आर्थिक चलखेल भएको आरोप लगाएका छन् ।

उनले अब्दुल कुदोस बिजेन्जोलाई बलोचिस्तान प्रान्तको मुख्यमन्त्री नियुक्त गर्दा साढे तीन अर्ब पाकिस्तानी रुपैयाँ बराबरको ‘सम्झौता’ भएको आरोप लगाए ।

पाकिस्तानको जियो टेलिभिजनको ‘जिर्गा’ कार्यक्रममा अन्तरवार्ता दिँदै उनले यस्तो आरोप लगाएका हुन् । उनका अनुसार यस सम्झौतामा तीन सिनेटर र एकजना ‘ठूला राजनीतिक व्यक्तित्व’ को संलग्नता छ ।

यदी कारवाही हुनेभए आफू ती राजनीतिक व्यक्तित्वको नामै खुलासा गर्न समेत तयार रहेको उनले बताए । रिन्द यसअघि पाकिस्तान तहरिक ए इन्साफ पार्टीको बलोचिस्तान प्रान्तको प्रमुख समेत रहिसकेका छन् ।