मुम्बई(अमर उजाला)– बलिउड दिग्गज अभिनेता धर्मेन्द्र र अभिनेत्री हेमा मालिनी आज पनि बलिउडको एक आदर्श जोडी हुन् । तर आफ्नो प्रेमलाई विवाह मण्डपसम्म पु¥याउन यो जोडीलाई कम सकस परेन । दुवैले कैयौं समस्या पार गरे ।

हेमासँग विवाह गर्नुअघि नै धर्मेन्द्र विवाहित थिए । जुन कुरा हेमासँगको विवाहका लागि समस्या बनेको थियो । धर्मेन्द्र र हेमाको प्रेमकथा चर्चित र विवादित सँगै दिलचस्प पनि थियो । उनीहरुले एकसाथ कैयौं फिल्ममा काम गरे । तर प्रेमकथाको सुरुवात ‘शोले’बाट भयो । यो फिल्मको सेटमा हेमा र धर्मेन्द्रको प्रेमकथाको एक किस्सा निकै लोकप्रिय छ ।

फिल्म ‘शोले’को गब्बरदेखि वीरुको संवाद अहिले पनि जोकोहीको मुखमा झुण्डिएको छ । फिल्ममा अमिताभ बच्चन, जया भादुरी, धर्मेन्द्र र हेमाको प्रमुख भूमिकामा अभिनय थियो । धर्मेन्द्र ठाकुरको भूमिकामा अभिनय गर्न चाहन्थे, तर फिल्ममा वीरु र बसन्तीको भूमिका रहेको थाहा पाएपछि उनले ठाकुरको भूमिकालाई छोडे ।

धर्मेन्द्र हेमालाई निकै मनपराउँथे । ‘शोले’को सुटिङमा उनको वरपर नै हेमा रहुन् भन्ने चाहन्थे । यो फिल्मको सुटिङमा धर्मेन्द्र लाइटमेनलाई गल्ती काम गर्नका लागि पैसा दिन्थे । आफ्नो र हेमाको दृश्य छायांकन भइरहँदा लाइटमेनले गल्ती गरिदियो भने त्यो दृश्यलाई रिटेक गर्नुपर्छ भन्ने धर्मेन्द्रलाई थाहा थियो । जसकारण उनी लामो समयसम्म हेमासँग समय बिताउन चाहन्थे ।