काठमाडौँ– नेपाली सेनाले सैनिक कल्याणकारी कोषमा बचत ६९ अर्ब ३ करोड ७९ लाख रुपैयाँ पुगेको जनाएको छ । 

नेपाली सेनाको जनसम्पर्क तथा सूचना निर्देशनालयले शुक्रबार काठमाडौंमा पत्रकार सम्मेलन गरि कोषमा अहिले ६९ अर्ब रकम पुगेको जनाएको हो । कोष महानिर्देशनालयका प्रमुख सहायक रथी विजय थापाले गत वर्षको तुलनामा यस वर्ष कोषको रकम ६ अर्ब रुपैयाँले बढेको जानकारी दिए । त्यस्तै आर्थिक वर्ष २०७८/७९ मा कल्याणकारी सेवा सुविधातर्फ कुल १५ अर्ब ४९ करोड खर्च भएको उनले बताए । त्यस्तै उनले सोही आर्थिक वर्षमा संस्थान अन्तर्गतका महाविद्यालयहरुमा अध्ययनरत १ हजार ६ सय ४५ विद्यार्थीहरूमध्ये सैनिकतर्फका २ सय १८ विद्यार्थी र गैह््र सैनिकतर्फका १५० विद्यार्थीहरूले ९ करोड ११ लाख ३९ हजार छात्रवृत्ति रकम प्रदान गरेको थापाले बताए । 

त्यस्तै पत्रकार सम्मेलनमा सेनाले काठमाडौं–तराई–मधेश द्रुतमार्ग सम्पन्न गर्न विभिन्न कठिनाइ भएको जनाएको छ । आयोजना प्रमुख प्राविधिक सहायक रथी विकास पोखरेलले पोखरेलले जग्गा विवाद, अदालतमा विभिन्न मुद्दा परेका कारण समस्या भइरहेको बताए । उनले गत आर्थिक वर्षमा ८ अर्ब ४२ करोड बिनियोजन भएकोमा वार्षिक लक्ष्यको अनुपातमा करिब ९९ प्रतिशत काम भएको जानकारी दिए ।

त्यस्तै पत्रकार सम्मेलनमा सेनाका विभिन्न निर्देशनालयले गरेका कामका बारेमा जानकारी गराइएको थियो ।