काठमाडौँ- दक्षिणपूर्वी एसियाली मुलुक भियतनामले यस वर्षमात्र भ्रष्टाचारका एक लाख २० हजार भन्दा बढी मुद्दामाथि अनुसन्धान थालेको छ ।

त्यहाँको भ्रष्टाचारजन्य क्रियाकलापको अनुसन्धान गर्ने निकायले जनाएअनुसार १ लाख २० हजार भन्दा मुद्दामाथि अनुसन्धान सुरु गरिएको छ ।

भियतनाम सरकारको भ्रष्टाचार निवारण अभियान अन्तर्गत यस वर्षमात्र ती मद्दाहरुमाथि अनुसन्धान थालेएको र अधिकांशमा कारवाही प्रक्रिया पनि अघि बढाएको बताइएको छ ।

भियतनामको समाचार समितिले भ्रष्टाचार नियन्त्रण गर्ने निकायले एक लाख २० हजारभन्दा बढी भ्रष्टचारजन्य मुद्दाहरुको अनुसन्धान थालेको समाचारमा उल्लेख गरेको हो ।

सरकारले भ्रष्टाचारजन्य अपराधको अनुसन्धान र कारवाहीलाई अभियानका रुपमा अघि बढाएको छ । सोही बमोजिम सो निकायले आफ्नो काम सुरु गरेको र यसवर्षमात्र यी मुद्धाहरुमाथि अनुसन्धान र कारवाही थालिएको जनाइएको छ ।

भियतनाममा भ्रष्टाचारजन्य गतिविधि निकै बढेको गुनासोका आधारमा सरकारले यो अभियान सुरु गरेको हो । यसवर्ष भियतनाम सरकारले यस कार्यलाई प्राथमिकताका साथ अघि बढाइने जनाएको छ ।

यो अभियानबाट भ्रष्टाचारजन्य क्रियाकलापहरुमा संलग्न भएका कैयौँ व्यक्तिमाथि कारवाही हुनुका साथै ठूलो रकम राजस्वका रुपमा प्राप्त हुने पनि बताइएको छ ।