काठमाडौँ– पाकिस्तानले निजामती सेवामा काम गर्ने कर्मचारीको जाँच गर्न मुलुकको सबैभन्दा शक्तिशाली गुप्तचर निकाय आईएसआईलाई औपचारिक जिम्मा दिएको छ ।

निजामती सेवाका कर्मचारीको नियुक्ती, सरुवा, बढुवाजस्ता विषयमा अब आईएसआईले जाँच गरेपछि मात्र स्वीकृत हुने पाकिस्तानबाट प्रकाशित हुने डन अखबारको अनलाइन संस्करणले जनाएको छ ।

यसअघि पनि आईएसआईले छद्म रुपमा निजामति सेवाका कर्मचारीको जाँच गर्दै आएकोमा अब भने पाकिस्तान सरकारले यो गर्न आईएसआईलाई कानूनी आधार दिएको जनाइएको छ ।

संस्थापन विभागको सूचनामा पाकिस्तानको निजामती सेवा ऐन १९७३ को धारा २५ को उपधारा १ अनुसार यस्तो निर्णय गरिएको जनाइएको छ । यस ऐनले निजामती सेवाका कर्मचारीसम्बन्धी नियम बनाउने अधिकार प्रधानमनत्रीलाई दिएको डनले जनाएको छ ।