काठमाडौं- पोखरा महानगरपालिकामा नेकपा एकिकृत समाजवादीका उम्मेद्वार धनराज आचार्यले अग्रता फराकिलो बनाउन थालेका छन् । पछिल्लो मतपरिणामअनुसार उनले झण्डै ७ सय भन्दा धेरै मतको अग्रता बढाएका हुन् । उनलाई कांग्रेस, माओवादी र जनमोर्चाको पनि साथ सहयोग छ ।

उनले ताजा अवस्थामा ५७४८ मत ल्याउँदा दोस्रो स्थानमा रहेका एमालेका कृष्णबहादुर थापाले ५०७८ मत पाएका छन् । यस्तै तेस्रो स्थानमा रहेका राप्रपाका शंकर खरालले ६७७ मत ल्याएका छन् । यस्तै स्वतन्त्र उम्मेद्वारी दिएर चर्चामा आएका लेखक तथा अभियान्ता खड्गराज गनेस पौडेलले मेयरमा ३३९ मत ल्याएका छन् ।

पोखरामा पछिल्लोपटक एमालेका मेयरका उम्मेद्वारलाई हराउन नेता कार्यकर्ता नै सक्रिय रहेको अडियो प्रकरण पनि बाहिरिएको थियो ।