दाङ- सल्यानको सिद्ध कुमाख गाउँपालिकामा गठबन्धनका उम्मेदवारलाई पराजित गर्दै नेपाली काँग्रेसका उम्मेदवार विजयी भएका छन् ।

माओवादी केन्द्र र एकीकृत समाजवादीका साझा उम्मेदवारलाई ३७५ मतले पछि पार्दै काँग्रेसका भरत गिरी निर्वाचित भएका हुन् । गिरीले २१७३ मत ल्याउँदा गठबन्धनबाट एकीकृत समाजवादीका उम्मेदवार  चित्र बहादुर चलाउनेले १७९८ मत ल्याएका छन् ।

उपाध्यक्षमा भने गठबन्धनबाट माओवादी केन्द्रका राम बहादुर बस्नेत निर्वाचित भएका छन् । बस्नेत २ हजार ३५ मत ल्याएर निर्वाचित भएका हुन् । उनका निकटतम प्रतिद्वन्द्वी नेपाली काँग्रेसकी पूर्णिमा चलाउनेले १९६३ मत ल्याएकी छन् । ५ वडा रहेको गाउँपालिकामा वडा न १ र २ माओवादी केन्द्र निर्वाचित भएको छ भने वडा न ३,४ र ५ मा नेपाली काँग्रेस निर्वाचित भएको छ ।