काठमाडौँ– सर्लाहीको हरिपुर नगरपालिकाको मेयरमा नेपाली कांग्रेसका गोपाल पजियार निर्वाचित भएका छन् ।

उनले ६ हजार ९ सय ३८ मत ल्याउँदा निकटतम् प्रतिस्पर्धी माओवादी केन्द्रका उम्मेदवार सुनिलकुमार बुढाथोकीले ३ हजार ८ सय ८७ मत प्राप्त गरे ।

त्यसैगरी उपमेयरमा नेपाली कांग्रेसकै निलम राय यादव ५ हजार ५ सय ५२ मत प्राप्त गरी निवार्चित भएकी छिन् । उनका निकटतम् प्रतिस्पर्धी एकीकृत समाजवादीका उम्मेदवार शिला कार्कीले ४ हजार ७६ मत प्राप्त गरे । हरिपुर नगरपालिका वडा नम्बर १, २, ३, ४, ५, ७, ८ र ९ को मतगणना सम्पन्न हुँदा नै नेपाली कांग्रेसका मेयरका प्रत्यासी पजियारले जित्ने सुनिश्चित भइसकेको थियो ।

यस अघि नेपाली कांग्रेसबाट सर्लाहीमा धनकौल गाउँपालिकामा अध्यक्ष र उपाध्यक्षमा क्रमशः कांग्रेसका रामआश्रय साह र अकली सहनी विजयी भएका हुन् ।